Jawaab Hufan: Mustafow, Ogaadeen waa badan yahee, barasho kuu laaban!

Cumar  (Ibraahin) Cawaale-ka hadhagaale news iyo C/xakiim Cigaale Cumar-ka ku xigeenka CMC 

Akhristow, wali ma is weydiisay in qoraa barbarad ah uu u qaato qalin si uu u xaqiro ama ugu geysto qabiil dhan aflagaado iyo handa'daad, wax aynan ka heysan isaga oo ka doonaya is la markaasna qoraal dheer wakhti iyo shilimo ba ku bixiyay.Hadda ka horna waxa uu is barbar dhigay Cabdi Maxamuud Cumar iyo Cabdi Jibriil oo uu si xaq darro, eex qabiil iyo qabyaalad ku dheehan tahay ugu sheegay ninkiisa in uu yahay ceeb ka saliim. http://www.hadhagalenews.com/2015/06/halkan-kala-socoda-axmad-madoobe-iyo-cabdi-ileey-maxey-iska-shabbahaa%E2%80%8F/

Mustafe isaga oo ka duulaya deegaanadii ay Itoobiya dhawaan u gacangalisay Canfarta , deegaanadaas oo ay ka mid yihiin Cadaytu, Cundhufo iyo Gadhmalaw oo dhammaan ka tirsanaa Gobalka Sitti, haseyeeshee, hadda si rasmi ah oo xaqdarro ah u hoostaga maamulka Canfarta ayuu qoraalkan hoose ee uu ugu magacdaray: "Axmed Madoobe iyo Cabdi iley maxay is ka shabahaan?" ugu gafay Ogaadeen idil ahaantii. 

Waxaa marag ma doonta ah, in soomaali u dhan tahay Gobollada Jubbooyinka, haba lagu xaq lahaado ama lagu lagu kala badnaadee, balse, in muddo ah, waxaa soo ifbaxeysay in shacabweynaha ku dhaqan Gobollada Jubba, aysan raalli ku aheyn habka loo soo xulay baarlamaanka maamulka Jubbooyinka, oo intiisa badan ay qaateen dad ka soo wada jeeda hal beel, oo ah tan uu ka dhashay Axmad Madoobe, inta kalena la duudsiiyay xaqoodii dastuuri iyo deegaan ay ku lahaayeen.

Waxa meesha ka cad in qoraagu uunan ba aqoon macnaha erayga "u dhanaansho" waayo haddii uu garanayo maba u isticmaaleen Gobalada Jubooyinka in ay Soomaali oo dhan u dhan tahay, taas oo macnaheedu noqonayo in uu Ciise, Isaaq iyo Samaroon, iwm ay dagaan Gobalada Jubooyinka si ay u dhanaanshiyaha Soomaaliyeed ee uu ku doodayo Mustafe loo saxo. In kasta oo  dad saluugaya wali jiro saluuguna uu yahay mid dabeecada aadanaha ah iyo in uu wax badsi raadsado- 71-ka xildhibaan- Absame (Ogaadeen) waxa ay ka qaateen 21 xubnood oo deegaanadooda ay uga soo baxeen. Halkan ka akhriso hadii ay ku baal martay. http://puntlandi.com/breaking-news-puntlandi-oo-heley-sida-loo-qoondeeyey-kuraasta-baarlamaanka-jubaland-iyo-madaxweynaha-dambe-oo-u-muuqda-inuu-gedo-ka-imaandoono/ 

"Qofkii caddaaladda ka hadla, ma ka dhiidhinaya, waxaa lagula kacay, dil, jirdil iyo qafaal! Odayaal lagu laayay kismaayo oo nabadoonno ah, oo ka soo horjeestay qorshaha guracan ee AHMED MADOOBE, ABDI AFEEY IYO GABRE."

Qoraagu barbaradku ma sheegin magaca hal qof oo kaliya oo inta ay cadaalad daro ka hadleen ama ka dhiidhiyeen lagu la kacay gabood fallo ay ka mid yihiin dil, jidhdil iyo qafaalasho ama odayaal lagu laayay Kismaayo ka dib markii ay mucaaradeen Mudane Sheikh Axmed Madoobe, Danjire Maxamed Cabdi Afey iyo Gabre waa sida uu hadalka u dhigee. 

" Siyaasaddan mid la mid ah ayuu Cabdi Maxamuud Comar (Cabdi Ileey) ka hirgeliyay dowlad goboleedka deegaanka soomalida ITOOBIYA (Soomaali Galbeed), isagoo u sameystay Ciidamo LYUU Police la yiraa, oo loogu talogalay markii hore in lagu soo afjaro xooggaga ONLF ee xornimo doonka ah, kuwaasi oo qeyb ka mid ah ay qaateen heshiis, inta kalena dagaal xoog ah lagu dhameeyo, haddase, loo adeegsado, sidiishacabka loogu xasuuqi lahaa."

Ma jirto siyaasad laga soo minguuriyay Jubaland oo ka dhaqan gali karta Jigjiga waayo dal xor ah iyo dal aan xor aheyn la is ma barbar dhigi karo. Dabcan ciidamada Liyuu-ga waxa loo sameystay in lagu xasuuqo gobanimodoonka Ogaadeen. 7-dii  sano ee ugu danbeysay waxa ay xasuuqayeen waa shacabka Ogaadeen, haseyeeshee, la ma sheegin meel  ay Ciise ku xasuuqaan ilaa imika. Meel ay ONLF isu soo dhiibtay iyada oo hubkeeda ra'rana, lama hayo. Adigu ma noo sheegi kartaa midaas?

Labada nin waa isku hayb (Qabiil ahaan), kumana haysanno ineey reerahaasi u dhasheen, waayo, waa abuur Alle qof ma jiro awood u lahaa inuu doorto reerka uu noqonaayo, balse, xikmadda ka dambeysa, maxay tahay, in loo adeegsado dulmi ay diinta dhaqanka iyo qawaaniintu naga reebeen?.

 Haa, waa is ku reer waana sababta ka danbeysa ee aad ugu la duldhaceyso Sheikh Axmed Madoobe qalafeydhnimada abuurka Allana awood aad ku fara galiso ma lihid-haddii aad heli laheyd waad faragalin laheyd. In kasta oo aadan xusin , Mustafow waxa ay dhaqanka iyo qawaaniintu naga reebtay oo uu Sheekh Axmed Madoobe Ciise ku sameeyay; haddiise  intaba la ixtiraamayo Ciise gabdhaha Ogaadeen ee cawradaha ah inta uu saqdhexe miro  uma soo gacan-galiyeen Itoobiya iyaga oo labiska hoose aan xidhneyd si uu waji uga  helo Tigray-ga. Cadeyn? Akhri https://ahmedabdicomments.wordpress.com/2014/10/07/xasuuqii-ogaadeenka-ee-jabuuti-janaayo-202011/  https://ahmedabdicomments.wordpress.com/author/ahmedabdi2014/

" 2- Waxeyn ka mideysan yihiin inay ku shaqeeyan sidii ay beesha ay ka soo jeedaan ugu abuuri lahaayeen colaad ballaaran, iyagoo danahooda gaarka ah ku fushanayo ineey caamada u muujiyaan in arrinku yahay sida ay u dhigayaan (TIME OF OGADEN)."

Haddii uu saacu la jiro Ogaadeen maanta in badan ayay soo dhibtoodeen soona halgameen,walina way halgamayaan wax aan xaqooda aheyna ma rabaan, caamo iyo culumana way leeyihiin Soomaalina cid ka culumo badan lama sheegin. Iyada oo aan jirin colaad la abuurayo ayay Soomaali colaad ku sargo'an isir naceyn Ogaadeen ayay ku la kaceen cid aan Ogaadeen godab ka galina maanta Soomaali ka ma dhalan. Soomaalida qaarkeed iyo Ogaadeen arinkoodu waxa ay la mid tahay sidii, hooyo ilmaheeda naas ku duweysa, isna uu qaniinyo la boobayo.

" Duudsiinta Xuquuqda shacab weynaha DDS ITOOBIYA iyo sidoo kale DUUDSIINTA Xuquuqda Shacabweynaha ku nool Jubbooyinka, (Sida ka muuqata awood qeybsiga) waxaad ka garan kartaa in labadan sare u xusan ay fidno abuur yihiin, balse, waxaa la yaab leh, in badi laga aamusan yahay falalkooda gurracan dawlad iyo shacabba. Waxaan u jeedaa Soomaali, oo Itoobyaan waaba dan ay leeyihiin, anna kama sugayn."

Itoobiya in aad ka soo quusatay waa wax aad afkaaga ku cadeynayso oo waa gartaa;  in badan ayaad daba muusanowday gidaarka ayaadna soo taabatay. Cida aad u habar wacaneyso iyada ayaa Itoobiyaanka rabta adna waxba kuu ma tari karaan oo tooda ayaa cusleysay haddii aadan meesha uga danlaheyn daladda Ismaaciil Cumarka Jabuuti uu raadinayo oo kuu qarsoon. Ma jirto meel aan Itoobiya aan isku dano ku noqonay-tan iyo Sayidkii Maxamed ahaa qadiyad Soomaalinimo ayaan dabada haystaa.

"Dabadhilifnimo iyagoo ku shaqeeya amarka KENYA IYO ETHIOPIA, ayaa labadaasi dowladood, oo dano gaar ah kaleh soomaliya,waxey u arkeen in ay jaanis u tahay in la taageero nimankan, maadaama ay yihiin dad ku soo hoos koray amar Kenyaati iyo Tigree, oo u dhago fudud fulinta amarrada la duldhigayo xaraf xaraf, (Waxaa caddeyn u ah midna TIGREE wayaa wata, midna KENYA ayaa TANGI ku soo GELBISAY!)"  

Mustafow, Ogaadeen waa faraha badan yahayee, barasho kuu laaban.Ogaadeen waxa ay dagaal kula jiraan Itoobiya taniyo ab ogaa, adiguse la ma sheegin  dagaal aad ku la jirto haddii ay muxaafidnimo ku dhisan daba'dhilifnimo noqotana adiga ayaaba wada muxaafad ah marka laga reebo shakhsi iyo laba kaa mid ah. 

Kenya cid ay taangi ku soo galbisay ma jirto ee Libaaxyada Soomaaliyeed ee Ogaadeen waxa ay ku la dagaalameen Ingiriis ...Khawaarijta Al-Shabaabna iyaga ayaa sanado ugu jiray duurka si  ay ugaga saaraan sidii qasabka aheyd;  dhulkooda inta hadhsana dhawaan filo. Tigray-ga cida u dhaga'nugul ee ay u higaadiso maanta waa adiga waayo 20-kii ugu danbaysay ayaad dhagta hoorinaysay.  

"Cadaaladda iyo awood Qeybsiga Dalka. Tusaale; Cabdi Ileey

 Isweydii Imisa Gobol ayuu Cabdi ileey u sameeyay Reerkiisa (6 gobol iyo bar –degmooyinkana lama sheegi karo, jilib jilib hoose ayuu degmo u siiyay) sida Cadaaladda uu u arko, Shacab weynaha kale ee DDS ITOOBIYA imisa ayuu u sameeyay (2 gobol –iyo bar(Liibaan oo Soomaliweyn ah iyo Shinniile oo Ciise ah) iyo Gobolka Jigjiga oo hadda gebi ahaan uu ku wareejiyay Beeshiisa, isagoo dejiyay mashruuc ah dhulka ninkii dhisanaya aya dagaya, iyo Quruxinta Jigjiga, iyo ma istaahisho Degmo. Xasuusta, aragtidan iyo dhaqankan oo kale, waxaa lahaa Siyaad Barre."

Akhristayaasha inta ay akhristaan qoraalkaagan u qaadanaya mid macnale waa kuwo noocee ah, hadayna aheyn kuwa Hadhagaale website(http://www.hadhagalenews.com) bes ah mooyee ma garanayo anigu, ileen isaga ayaan sumcadiisa u baqine?!! 

Jigjiga waa magaalo Absame  qofka ka  xun in la dhiso waa mid wanaaga neceb. Siyaad Barre, Soomaali badan waxa ayna ka warqabin  cadaalad darada noocaas ah ee aad ku sifeysay, haddii uunan maanta is dufaaci karin ( Alle ha u naxariista marxuumku) soo warkaagu uma muuqdo mid meyd-garaac ah?!!

" Mid la mid ah mashruuca Cabdi Ileey ayuu ka billaabay Jubbooyinka Axmad Madoobe oo sida uu yahay loo soo koobbi gareeyay, qorshaha iyo fulinta Xaraf Xaraf, waxaan wada ogsoonahay in;  SALAGLE OO AAN WALIGEEN MAQLIN MEESHA DEGMO LOOGA DHIGAY iney dhahaan waa DEGMO!"

In aad baadhis sameyso ayay aheyd inta aadan ka dhigin Salagle in M/weyne Sheeikh  Axmed Madoobe ka dhigay degmo, Salagle 2006-dii ayay degmo noqotay waxaana ka dhigay Alle ha u naxariistee C/Laahi Yuusuf. In been la is ka caadeysto soo ka ma wanaagsana in runta dadka loo sheego mise xaalkaagu waa been haddaadan sheegin baabka laaban sheeg. Ma jirto  siyaasada Jigjiga mid la mid ah in Jubaland wakhtigan xaadirka laga dhaqan galin karo-wadan xor ah iyo mid aan aheyn- ma is ku midbaa?

" Wuxuu soo uruuriyay rag masuuliin ka wada ahaa DDS ITOOBIYA OO ISKU JUFO hoose yihiin in la keenay waddankii oo xildhibaanno iyo Masuuliyiin loo magacaabay, dadkii u dhashay Deegaanka ay marti ka noqdaan, hal hal ayaan u garaneynaa inaan farta ku fiiqno ma dooneyno, kulligood magacooda gadaal ka wada raaciyeen HEBEL KISMAAYO IYO HEBLO KISMAAYO, Adeer waa la is yaqaannaa!"

Haddii ay jiraan cid aad hal-hal u garaneyso waad sheegi laheyd haddii ay xujo adag kuugu noqonayso, balse ninka DDS haddii uu ka noqdo masuul Soomaaliya ama meel kale, maxaa u diidi kara si la mid ah Ismaaciil Cumar oo ka soo jeeda Ogaadeeniya waxa uu ka yahay madaxweyne Xeebta Jabuuti sidoo  kale rag badan oo siyaasada Soomaaliya ku jiray (Siyad Barre) jira ayaa gobalka Ogaden ka soo jeeda. Maxaa midka Ogaadeen tuke canbaarle  ka dhigaya?!! Kismaayo haddii la la baxo iyo haddii kale waa mid qofka u taala imisa ayaa hebel ama heblaayo-Jabuuti la baxday dunida joogta?

" Sheegashada Deegaanno aysan daganeyn – Adeer waa la is yaqaannaa dhulka sida loo kala daggan yahay (Deegaankana waa ninka xoolaha ku haysta , iyo waraha , Caanaha suuqa keena , Beeraha ku leh dhulka, "

Sheekadaadu waa ku qabso ku qadimeyside , ka dib markii aad Saylac iyo Lughaye damaaciday ee dadkii lahaa ay Ciise waraaboow widee ku dheheen miyaad kula soo dul ga'gabeysaa Raas-Ogaadeen ama Kismaayo ? Malaha Jubaland haddii aynan ragaas geerida aan ka cabsan joogi laheyn waxa ay noqon laheyd diinkii qalfoofka la'aa ee shinbiruhu u heshiiyeen?

" Heshiisyo Shisheye sida in uu awood u leeyahay inuu iibin karo dhulka soomaaliyeed, iyo badda Jubbooyinka iyo Contract-yada Petrolka ee Jubba, iyo Jaziiradda Dekedda Kudhaa, Raaskaambooni!"

Jubaland iyada ayaa xor u ah in ay heshiis la gasho shurkadkasta iyo dowlad kasta oo ay dan u aragto in ay shidaal ka baadhi karto Kudha ,Raaskaambooni iyo meelo kaleba, si la mid ah Somaliland, Puntland iyo maamul gobaleedyada kale ee abuurmaya ee ku mideysan Federalism-ka. Waa Ciise kuwa China la soo saxeexday heshiisyo la xidhiidhka shidaal ka qodis Ogaadeeniya, tuumbooyin dhaadheer oo Jabuuti ilaa Jeexdin ah ku qalwaya si aad Dunida caalamka ugu dhoofisaan sidii iyada oo aad iibin kartaan caro ayna  dadkii lahaa go'aan ka gaadhin-Itoobiyana horay ugu maaroweyday.  Ama 40 mashruuc ka dhameyso China ama boqol aniga oo Boosaaso heli kara shidaal Ogaadeen in Jabuuti laga dhoofiyo waa tii saancad laga qaadaa.

E- In uu Ku mashquuliyo maatada rerkiisa Soomaali waa in aan iska dhicinnaa! Wallaahi Wa Rabbul Kacba waxaad arkeysaan adinkoo waayay meel ay xoolaha idiin daaqaan!

Halkuu Ogaadeen inta uu ku shiray ku yidhi, Soomaali aan is ka dhicino? Nin waalan ayaa la yidhi, "War dabka yuunan ku dhajin aqalka ee ka celiya, inta uu dabkii qabadsiiyay ayuu dhahay waad i xasuusiseen markaa in aan Soomaali  la is ka celiyo ay jirto waadba na xasuusiseene agah! Waa laguu iman iyada oo xuduudaha la adkeysanayo ee ha sugi waayin. Ilaahay in aadan ugu dhaaran wax iman doono oo aadan cilmi qeybkeeda Alle ku la shuraakoobin ayaa malaha kaaga haboonaan laheyd. 

Raaskaambooni (New Lyuu Police)

2- Waxaa hoggaamiya Maafiya Lyuu police oo khibrad u leh ineey dadka xasuuqaan, Iyagoo hadda ka qafaashay gudaha Kismaayo in ka badan 1000 dhallinyaro oo darbi jiif ah Ahmad Madoobo oo arrinkaan ka soo koobbiyeeyay Cabdi Ileey ayaa bilaabay hirgelinta Qorshaha iyo fulintiisaba.

Malaha in ay Soomaalidu wax noqoto iyada oo Ciidamo ay isaga dhicineyso cadowgeeda iyo Khawaarijta dhisaneysa. Ma odayaasha xeebtu daashatay iyo gabdhaha u heesa K/taliye Ina-Geele ee aad Soomaaliya ku shaqaleysiisay ayaad raali iyo maqsuud ku ahaan laheyd.

"Ugu Dambeyn , Fadlan waan isku fahannay sheekada, ee loo joojin maayo xaqiiqdu waxa ay tahay." 

Anigu dhalaanimo ayaan kugu bartay oo si la mid ah carruurta kale ayaa la igu seexin jiray ka baqida gees is mariska xeebta. Aan kala weydaaranee Ciisa waraaboow, maalin wacan. Aan ka la weydaaranee Ciisa waraaboow, maalin wacan.

" In laga gudbay Caqliyaddii QADDIYADDA Qabiilka ee aad ka dhiganeysaan ARRINTA KALIYA dadkiinna aad ku dagaal gelineysaan, ADINKUNA KU FAA’IIDI MEYSAAN , QOFNA MA JIRO OO WAX LOOGA QAADAYO, Berri Dambe adinka is Cuni doona."

In dad lagu colaadiyo in ay ka tashadaan aayahooda iyo in ay wax noqdaan wax macno ah oo ay sameynayso ma jirto. Is cunida aad sheegayso hadda ayaan ba is cunaa oo mid la ii saraadinayo ma aha oo Liyuu iyo ONLF ayaa hadh iyo habeen is weera'ra. Waanse ka bixi Idan Alle. Rageyguna dhawaan gacmaha wuu is qabsan.Cadowgoodana meel wuu uga soo wada jeedsan.

"2- Shisheeye Kenya iyo Ethiopia Waxay kaa dhiganayaan iney bohol ku geliyaan, ugu badnaan toban sano kugu shaqeystaan, ka bacdina dadka markey kacaan lagu yiraahdo xal ma heyside iska bax."

Kenya iyo Itoobiya aniga ayay wax iga dhexeeyaan aniga ayayna dhul iga haystaan markaa aniga ayaana dagaal ku la jira ee adigu meesha aad marka aad kacdo igu odhan isaga baxa ee aan kaa haysto ma aanaan ka maqal awoowayaashano.

3- Anigana ku baryi maayo, ninkii Dhoof ku yimid beey geeridu dhibeysaa, waa maalmo yar oo kaliya waxaad arki doontaa sida Reerkaagu yiraahdo (EEDDEEY DABADDAA I GELI) inay ka dhacdo.

Haddii aad i baridana waa baryo xaq darro ah , dabcan qofkii dhoof ku yimid bey geeridu dhibaysaa -si la mid ah sida ay uga huleeleen is bahaysigii Dooxada Juba iyo Khawaarijta ayuu uga socon cid kasta oo raadisa dhul aysan laheyn. Timirtii horeba loo dabwaa!

4- Waxaan oggolnahay wax kasta oo ku dhisan Xalaal, walaaltinimo, wax wada qeybsi, Cadalad, Horumar, Tanaasul 15%, si soomaalinimo loo hirgeliyo.

Taas yaa laga helaa oo aan Ogaadeen aheyn ? Mida aad dooneyso soo aan wada qaato ma aha marka aad ka dhigayso Ogaadeen mid aan dhul Soomaaliya ku laheyn isaga oo dhulka ugu nimcada badan si ka duwan xeebta uu Ilaahay makaniyay.Adiguse cadaalad halkeed ku sameysay aad cadaalad raadiside.

5- Inta Caqliga iyo Xikmadda u saaxiibka ah ee REERKAAGU ha Ogaadaan inan ka dignay maanta waxa dhici doono, laga bilaabo maantana la iska kiin dhicin doono ILEEY IYO MADOOBE!

Kolna taagtaa, kolna tabartaa. Waxa la odhan jiray, Ogaadeen nin  maqleyna sigay, nin arkeyna dhiman. sidoo kale, waxa la odhan jiray qaan Ogaadeen waa qaaxo kugu maqan.Anna waxa aan dhahaa , dhakhtarkii dagaalkiyo dhiiranuhu waa ani, waa anii.  Wax aan kaa heysto oo aan ka aheyd madaaci waalan oo dhulboob nimo ah mooyee, ma ogi anigu. "Ragow Damaca waa lagu hufaaye kaas ha la ogaado." 

Waxa aan ku soo gunaanadi lahaa qormadeyda, marka uu qof aan sooyaal taariikheed oo la taaban karo laheyn waa gar in uu xag-xagashada badiyo is la markaasna qeylo-quute noqdo isaga oo is leh jiritaankaaga muuji.